![]() |
2015 |
بسم الله الرحمن الرحيم
تدور أحداث المسلسل في سياق من اﻹثارة والتشويق، حول رجل يفقد كل ما كان يملكه في يوم من الأيام، حيث يفقد عائلته، وعمله، وكل ما كان له قيمة في حياته، ويصير المستقبل أمامه حالكًا مظلمًا، وهو ما يضطره للدخول إلى كواليس عالم جديد عليه، لا يعرف من خلاله ما الذي يمكن أن يصادفه في طريقه؟ (موقع سينما كوم).
عندما شاهدت حلَقات المسلسل اجتذبتني بعض المشاهد المؤثرة بما تحويه من حوار مميز يعبر عما يجيش في نفسية الشخصيات عن الحياة بكل ما فيها، أردت أن أوثقها هنا على النحو التالي:-
حوار رقم (1)
**********
ياسين: اتغيرت اوى يا يوسف يعني مبقتش يوسف بتاع زمان.
يوسف : من اللي شوفته يا ياسين ... لما كل حاجة في ايديك بتتأخد منك قدام عينيك وأنت مش عارف تعمل إيه هتتغير و حتعمل زيي وتقول ياكش تولع (الحلقة الخامسة).
![]() |
ياسين ويوسف |
حوار رقم (2)
***********
يوسف: عارف أنا مبقتش أفكر في حاجة غير أني أخد الواد ده وأهج الواحد نفسه يعيش عيشة نظيفة يشتغل شغلانه محترمة والواد يخش مدرسة كويسة ومتخفش ح ابقي ابعت لك تيجي.
ياسين: (يضحك) طيب أمي وأختي حتبعتلهم هما راخرين.
يوسف: لا طبعا في إيه؟
ياسين: لا يا عم، البلد دي أحسن من غيرها، على الأقل هنا قاعد وسط أهلي والناس اللي بيحبوني لكن هناك أحس اني قاعد في الظل.
يوسف: يا بني متبصش تحت رجليك بص قدامك.
ياسين: من اللي شفته يا يوسف.
أنا تعلمت من الدنيا دي أن ملهاش آمان، أبويا أما مات وأنا عندي تسع سنين شلت الدنيا كلها على كتفي،
وأنا ولد علي ثلاثة بنات (يتذكر) ... النبي يا ياسين تبحبح ايدك الشهر ده، النبي يا ياسين ما تدور على عريس للبنت الصغيرة.
يوم ما أبويا ما مات أمي قالت لي دلوقتي أنت ياسين بقيت راجل البيت والرجل بجيوبه.
طلع عيني يا يوسف، كنت أخلص المدرسة وأطلع على الشغل من صباحية (ربنا) "سبحانه وتعالي"
لحد نص الليل ويا أقف علي قهوة أو أقف على الميكروباص.
أما سألت أمي هو أبويا مات ليه؟
قالت لي: علشان أستريح.
أما كنت بأروح القرافة كانت أمي وأخواتي يقفوا يقروا قرآن
وأنا واقف علي جنب قدام القبر.
بأسئله هو أنت علشان تستريح تطلع عيني أنا بقي؟
لحد ما كبرت وفهمت.
عارف يا يوسف أبويا قالي أيه قبل ما يموت؟
يوسف: أيه؟
ياسين: والله يا أخي بترن في ودني كأني سامعها امبارح،
قالي يا ياسين: يا ابني مفيش يوم بيعدي عليك أحسن من اللي راح.
يوسف: عارف يا ياسين أبوك "الله يرحمه" كان راجل كئيب.
ياسين: (يضحك) "الله يرحمه".
يوسف: ويرحم امواتنا جميعا.
آمين.
وللحديث بقية في مقالات قادمة.
رابط الموضوع التالي:
تعليقات
إرسال تعليق
يسعدني أن تضع تعليقك هنا حتي أسمع صوتك بحق