رد الجميل

بسم الله الرحمن الرحيم الحرباية هي حيوان يغير جلده حسب المكان الموجود فيه وأما لقينا في ناس بتلون جلدها زي الحرباية علشان تضحك علينا وتخدعنا ظلمناها وسميناهم علي اسمها لدرجة أننا بقينا بنكرهها للسبب ده ونعاملها بشراسة لأنها من الحيوانات غير الأليفة رغم أن ده مش اختيارها دي طريقتها الوحيدة في حماية نفسها من الأخطار بينما الإنسان قام بدورها علشان يؤذي غيره بدفعه للأخطار مقتنع أن من وراء هذا الإيذاء سوف يحقق شئ له. مش غلط انك تستفيد من مزايا الحرباية بأنك تغير جلدك عشان تحمي نفسك، يعني إذا كنت متأكد أنك إذا قلت شئ يؤذيك متقولوش لأن في حاجات تدفعك أنك تغير جلدك كل شوية، بس في فرق كبير ما بين أنك تغير جلدك (مظهرك) وأنك تغير مبادئك، في ناس بتشوفهم طبيعيون بس هما مش كده. تغيير الجلد له أسباب كثير لكن تغيير مبادئك له أسباب محددة أما إنك معندكش مبادئ من الأصل أو أنك إنتهجت مبادئ خطأ هي مش مبادئ بالمرة وأنت اللي خليتها كده بالنسبة لك عشان تحقق أغراضك اللي بتكون أحيانا على حساب الآخرين. المضحك بقى ان في ناس بقت بتحب تتسمى باسم الحرباية فاكرين أني دي شاطرة وأن ده هيخلي الناس تعمل لهم أل

بسم الله الرحمن الرحيم لا أعرف حقا ما السبب أو الداعي الذي يجعل إنسان يستخدم لفظ حيوان لإهانة شخص آخر؟ هل لأنه يرى الحيوان أقل منه؟ أليس كلنا مخلوقات "الله" عز وجل وكل منا له هدف من خلقه، يبقى إيه اللي بيخلينا نصنف شخص علي أنه أقل أو أعلي مكانة؟ لدرجة أنها طالت حتى الحيوانات اللي متفهمش في كل الكلام ده، والغريبة إنك مش وارد تسمع وصف إيجابي لشخص بأنه إنسان، ليه مبقناش مصدقين إن في بشر تتصف بصفة الانسانية مع إننا نقدر نطلق لفظ حيوان بكل سهولة؟ ده حتي البنات أما تحب تدلع صاحبتها تقولها يا حيوانة، يمكن متكونش مشاعر الحيوانات تأذت بسبب رؤيتنا لهم على أننا أعلي شأنا منهم، لكن أكيد أحنا اللي واقع علينا الضرر وضرر شديد كمان لأن أكبر خسارة للإنسان أما ينسي إنه إنسان وقتها يبقى كل شئ مباح وعلى الدنيا سلام.