بسم الله الرحمن الرحيم
مسلسل مصري نوعه إثارة، تشويق، غموض، تأليف أحمد مدحت (قصة) أيمن مدحت (سيناريو)، إخراج أحمد مدحت، بطولة عمرو يوسف (يوسف)، درة (سعاد زوجة يوسف)، صلاح عبد الله (المحامي سليم دربالة)، محمود البزاوي (البرنس زعيم عصابة) محمد ممدوح (صديق يوسف ويعمل محامي لدى سليم دربالة) إنجي المقدم، إنتاج شركتي الأخوة المتحدين للسينما، ذا بروديوسرز أروما عام 2015.
تدور أحداث المسلسل في سياق من اﻹثارة والتشويق، حول رجل يفقد كل ما كان يملكه في يوم من الأيام، حيث يفقد عائلته، عمله، وكل ما كان له قيمة في حياته، ويصير المستقبل أمامه حالكًا مظلمًا، وهو ما يضطره للدخول إلى كواليس عالم جديد عليه، لا يعرف من خلاله ما الذي يمكن أن يصادفه في طريقه؟ (موقع سينما كوم).
عندما شاهدت حلَقات المسلسل اجتذبتني بعض المشاهد المؤثرة بما تحويه من حوار مميز يعبر عما يجيش في نفسية الشخصيات عن الحياة بكل ما فيها، أردت أن أوثقها هنا على النحو التالي:-
حوار رقم (2) استكمال
***************
تكملة الحُوَار السابق بين يوسف (عمرو يوسف) بطل القصة وبين ياسين (محمد ممدوح) صديق وفي ليوسف ومحامي ذليل ل سليم دربالة، كالتالي:
يوسف لياسين: أنا يا صاحبي ماليش غيرك في الدنيا، لو جرالي حاجة، هيثم (ابنه) امانة في رقابتك.
ياسين: يا جدع، فال (الله) ولا فالك، إيه الكلام ده يا يوسف، الأعمار بيد (الله).
يوسف:
العمر مبيرجعش لوراء و اللي اتلسع من السجن مبيرجعلوش تاني
محدش عارف إيه اللي ممكن يحصل، بس أقولك إيه أوعي تطلعه كئيب زيك.
ياسين: يا سيدي (يا رب) يخليهولك ويخليكوا لبعض و(إن شاء الله) أما يكبر تفهمه أن الأيام اللي جاية أحسن بكثير من الأيام اللي راحت.
ويستطرد ياسين: أنا حاذق بقي علشان أنا عندي شغل.
يوسف: أنا مش حاشورك يا ياسين.
ياسين: (يضحك) ويطبطب علي يوسف (ربنا) يخلينا لبعض، سلامو عليكم.
يوسف: سلام يا ياسين.
ياسين: حأكلمك.
يوسف: ماشي.
حوار رقم (3)
**********
حوار بين سليم دربالة: محامي وزعيم عصابة (صلاح عبد الله) وبين ياسين (محمد ممدوح) المحامي الذي يعمل لديه، كالتالي:
ياسين لسليم: إنما يعني متاخدنيش معاليك هو أنت قرايت الكتب دي كلها.
سليم: معظمها. عارف يا ياسين الكتب دي بتخليني ألف العالم كله وأنا قاعد هنا في مطرحي.
ويستطرد قائلا: إلا قولي يا ياسين أنت ناقصك إيه علشان تكون مطرحي؟
ياسين: أزاي جنابك، يا نهار ابيض، هو أحنا نيجي جنب معاليك يا باشا؟
سليم : لأ لأ، بقولك ايه، بلاش شويتين الأونطة بتوعك دول، أنا هرسك يا ولة، انا بتكلم بجد.
ياسين: ناقصني، ناقصني كل حاجة يا ريس.
سليم: لأ، أنت ناقصك أنك تكون محترم، الناس تحترمك وتعمل حسابك، تلبس كويس، تخلي الناس تبص لك على أنك حاجة كبيرة ومهمة ومش مرمطون.
ياسين: بس أعمل إيه معاليك، لا مؤاخذة.
سليم: لأ، تعمل وتعمل كثير كمان، تعمل لنفسك حيثية (اعتبار ووجهة نظر تُحترم).
ويستطرد قائلا: هو تيفا (مصطفى أحد المحامين الذين يعملون في مكتب سليم وهو يعلو ياسين منصبا ويضايقه دائما لأنه يشعر بالغيرة منه ذلك لأن ياسين أصبح مقرب من سليم أكثر منه) لسه بيبعتك تجيب له سجاير؟ طيب المرة الجاية متجيبلوش.
ياسين: يا نهار اسود، دى تبقى خناقة لرب السماء.
سليم: ولة يا ياسين، أنت بتشتغل معايا محامي ولا سيجا.
ياسين: سييييجا لأ محامي.
سليم : يبقي لازم تصدق نفسك في الأول، أنت درست أربع سنين في كلية الحقوق تعبت و اتمرمطت وشقيت، طلع عين أهل اللي جابوك كل ده علشان إيه؟
ويستطرد قائلا: من هنا ورايح أن هشغلك محامي.
ياسين: يا باشا أعمل فيا ما بدالك.
سليم: أنت حتكون محامي شاطر يا ولة
ياسين: بجد يا باشا.
سليم: أممم بس ناقصك تعمل لنفسك هالة.
ياسين : اعمل يا باشا (يضحك) ده أنا من بكرة أعمل نفسي هالة فاخر.
سليم: (يضحك) يعطي ياسين مالا.
ياسين: بس دول كثير.
سليم: كلمة تانية واسحبهم منك.
وللحديث بقية في موضوعات قادمة
رابط الموضوع السابق:
تعليقات
إرسال تعليق
يسعدني أن تضع تعليقك هنا حتي أسمع صوتك بحق