الشجاعة الحلوة

 

بسم الله الرحمن الرحيم

الشجاعة مش أنك تقول الحق لحد غريب بالنسبة لك، كونه غريب في حد ذاته حيساعدك تكون شجاع، لأنه ميعرفكش وبالتالي مش حيحكم عليك، إنما الشجاعة اللي بجد أنك تقول الحق في وجه أقرب أقربائك حتى لو كان حيزعل من كلامك، صحيح هو بشر والبشر بيتحكم فيهم أهوائهم، بس في أوقات الضمير المرتبط أساسا بالشجاعة بيدفعك لقول الحق، المهم في الموضوع إن أخذ الحق حرفة يعني يوم ما تقرر وتتشجع وتقول الحق لازم تبقي عارف كويس إيه الطريقة اللي تحقق غرضك، علشان متتقلبش الترابيزة عليك، حتقولي إيه فائدة الشجاعة ما أنا كده أحسن من غيرها؟ حأقولك الشجاعة معناها إنك موجود وعايش علي وش الدنيا، ليك رأي وفكر حر، عندك نخوة، لسه مصدق في واجب الإنسان نحو أخيه الإنسان، ذكي، وحسن التصرف، ولبق وتجيد التحدث، قوى، تريد أن تنصر المظلوم، تستطيع التعامل مع مختلف الناس والأهم تعرف "الله" عز وجل حق المعرفة وتخاف من حساب الآخرة وتعرف أن ما تقدمه اليوم سيرجع لك أضعاف مضاعفة غدا، لذلك كن شجاع لأجل نفسك أولا.