بسم الله الرحمن الرحيم
من صغري وأنا شايفة إن التصفيق أداة مهمة من أدوات الإعجاب بالآخرين، فعلا إن الناس تصفق لك ده شئ رائع، بس في العصر ده لا بقي في ناس تصفق بحرارة وبحُب زي زمان ولا بقي في معيار حقيقي يخليك تعرف إن الشخص ده يستحق التصفيق بجد، دلوقتي أي حد يقول كلمتين و يزعق و يتشحتف ويحكي عن أخلاق ممكن متبقاش موجودة فيه ويعمل إنه متأثر تلاقي التصفيق نازل عليه، ولا أنت بتبقي متأكد أن الناس صدقت كلامه وفهمته ولا أنت عارف إذا كانت دي حقيقته ولا لا.
بس خلينا كده نرجع للبداية أنا فاكرة إني كنت أسمع أغنية مسجلة (زوروني كل سنة مرة) الملحن الكبير سيد درويش بصوت الجميلة فيروز و أما شغلنا الأغنية أنا وأختي أول حاجة سمعناها صوت التصفيق كان جميل وحار وفيه قوة ورغبة كبيرة في إبداء الإعجاب والتقدير لصوت فيروز الجميل ومكانتها العالية لدرجة أني حسيت بالفرحة جوايا من هذا التصفيق الجميل.
بس هو يعني ايه تصفيق في الأساس هو أما ايديك الاثنين يلتقوا مع بعض بشكل سريع وكأن كل يد مشتاقة لليد الثانية وعايزة توصلها بأقصي سرعة وينتج عن هذا الاشتياق الكبير صوت بيسمي التصفيق.
بس خلينا كده نرجع للبداية أنا فاكرة إني كنت أسمع أغنية مسجلة (زوروني كل سنة مرة) الملحن الكبير سيد درويش بصوت الجميلة فيروز و أما شغلنا الأغنية أنا وأختي أول حاجة سمعناها صوت التصفيق كان جميل وحار وفيه قوة ورغبة كبيرة في إبداء الإعجاب والتقدير لصوت فيروز الجميل ومكانتها العالية لدرجة أني حسيت بالفرحة جوايا من هذا التصفيق الجميل.
بس هو يعني ايه تصفيق في الأساس هو أما ايديك الاثنين يلتقوا مع بعض بشكل سريع وكأن كل يد مشتاقة لليد الثانية وعايزة توصلها بأقصي سرعة وينتج عن هذا الاشتياق الكبير صوت بيسمي التصفيق.
ولو تكلمت هنا عن زمن الفن الجميل الكلام مش حيخلص وبالرغم من أن للموضوع سلبيات زي ما له ايجابيات، بس أنا بتكلم هنا عن الوقت اللي كان فيه التصفيق من القلب يقول للإنسان هو مين في نظر الناس، دلوقتي التصفيق بقي روتين واجب شئ مضطر تعمله مثلا رئيسك في الشغل يقول خطبة في العمل يبقى واجب عليك مجبرا أنك تصفق له حتى اذا مكنتش من جواك طايقه ولا مصدق كلامه، واذا في مجموعة حوار وكل ما يتكلم حد يلاقي الكل يصفق له بدافع الأدب يوم ما حيلف الدور عليك مش حتقدر تعرف أنهم يصفقون لك لأنهم معجبين بكلامك فعلا ولا حالك زي الباقي وقتها متلومهمش علي أداء الواجب!
و إزاي أساسا تلوم واحد لمجرد أن معجبوهش كلامك ومش مقتنع بيه لدرجة أنه يصفق لك، من اللي قال؟ مش من حقك تجبر الناس أنهم يصفقون علي شئ مش شايفينه يستحق هما أحرار، إذا كانوا هما مش مقتنعين يبقي مش لازم تجبرهم بالعافية لأن الشئ ده لازم يجي من القلب، أما إذا كان من جواهم وحشين يبقي مفيش داعي أصلا تكلف خاطرك.
متخليش حد يدفعك أنك تصفق له لمجرد أنك إذا معملتش كده يبقي أنت قليل الذوق أو مش مقدر مجهود هذا الشخص، في نظري أنك تكون صريح مع نفسك وتعمل الشي اللي أنت مقتنع بيه أحسن بكثير من أنك تعمله تحت وسيلة الإجبار أو الضغط أو النقد اللاذع من الآخرين.
وعلى فكرة حتى إذا قدرت تجبرهم عمر ما حيكون التصفيق حار زي ما يجلجل قاعة ضخمة لأنه وقت ما حتعمل كده الاشتياق بين اليدين هيقف لأنه حيكون زي ما تضرب بيضيتن في بعض علشان تعطيك النتيجة اللي أنت عايزها وعلي مزاجك بس.
خلي الناس تصفق من قلوبهم وده حيحصل أما تساعدهم أنهم يكونوا صادقين مع أنفسهم واثقين في فكرهم ومستعدين إذا كانوا على خطأ يعترفوا به ويصلحوه لأنهم عارفين إنه في مصلحتهم، خليهم يعبروا بحب علشان أما تعجب بشيء بجد تصفق له تصفيق حار.
رابط الموضوع التالي بعنوان:
تعليقات
إرسال تعليق
يسعدني أن تضع تعليقك هنا حتي أسمع صوتك بحق