ساعد نفسك

بسم الله الرحمن الرحيم

المساعدة شئ رائع خاصة أما تيجي في وقتها ومن الشخص المناسب للي يحتاجها من غير ما يطلبها، تفكره بيها ان لسه في واجب للإنسان نحو أخيه الأنسان، بس إذا كنت قادر تساعد غيرك يبقي من الأولى أنك تساعد نفسك. علشان ده حق نفسك عليك أنك تساعدها وقت ما تحتاج المساعدة على الأقل أنك أما تساعد نفسك حتقدر تساعد غيرك، وممكن تساعد نفسك بطرق كثيرة:

1. تشوف أحلى ما فيك واللي يميزك عن غيرك وتتمسك به واظهره للعالم من حولك من غير خوف.
2. تشوف الأمور من كل الزوايا و من مختلف الجوانب فتقدر توضح الصورة للي مش شايفها كويس.
3. تعرف نفسك بكل ما فيها وتحبها مفيش الهام أكثر من شخص بيحب نفسه بعيوبها ومميزاتها.
4. تعرف فين حدودك وحدود الآخرين مش علشان تقيد نفسك بل لترسم حدود حريتك علي أرض صلبة.
5. تبذل أقصي ما في وسعك عشان تعرف ان مهما يحصل أنك عملت اللي عليك ومالكش دخل فيه.
6. أنك تبني لك مكانك الخاص في هذا العالم وتضع بصمتك عليه لتقول هنا يعيش انسان يحلم بالسلام.

دي بعض صور المساعدة اللي ممكن تساعدها لنفسك واللي بيها تقدر تساعد غيرك بأنه يساعد نفسه، و اوعي تصدق أن المساعد شخص ساذج بينضحك عليه من الآخرين، ده هما اللي عارفين قيمة دورك المهول ومن مصلحتهم تكون الدنيا فوضى، لكن كمان فرق ما بين المساعدة وجعل الآخرين كسالى الثانية ليست مساعدة قط، المساعدة بتكون وقت ما المحتاج لها يبقى ميقدرش يعمل الشئ ده لوحده لأنه فوق طاقته وقدراته.

وتذكر أن (الله) عز وجل "ربنا ورب العالمين" هو من يساعدنا جميعا كي نجد طريقنا في هذا العالم، يعني قبل أن تكون المساعدة واجب انساني هي واجب ديني. إذن ساعد نفسك وماتخافش من حد.