رد الجميل

بسم الله الرحمن الرحيم كل عام أنتم بخير . وصحة   وسلامة طيبين وسعداء. (يارب) يكون عام سعيد على الجميع. (يارب) تتحقق الدعوات في هذا العام الجديد. أعــرف أن هــذا الكــلام يتكــرر فـي كــل عــام. كما قلت من قبل أنني لا أجيد قول ما ينبغي قوله في مختلف المناسبات العامة والخاصة. ولكن لا يسعنا إلا أن نحلم ونتمنى ونطلب من (الله) عز وجل أن يحقق لنا دعواتنا. (اللهم آمين).   رابط عنوان الموضوع التالي:-  تهنئة بمناسبة حلول عام 2021 م

بسم الله الرحمن الرحيم تتصرف إزاي إذا جيت تحكى لغيرك عن مشكلة مضايقاك، فبدل ما يهتم بك يقوم مزود همك همين بأنه تقعد يلومك عمال علي بطال، أساسا الواحد مش قادر يصدق إزاي تبقي في عز المشكلة وشغالين اتهامات في بعضنا ونرمي المسئولية على غيرنا وناسين أن المشكلة موجودة   لسه متحلتش وكل وقت يمر في صراع يزيد الوضع سوء. إزاي بقي كل همنا أننا نتهم بعض ومش واخدين بالنا أن المشكلة أما تحصل بيعم أثرها على الكل، وإزاي في ناس عندها قسوة قلب أنها تقول مش مهم يحصل ليا إيه طالما مش أكون لوحدي يعني معندكش مشكلة تتسبب لنفسك في الأذي طالما في ناس كثير غيرك يتأذوا معاك، بس خليك فاكر كونك موافق علي الوضع ده فأنت تعتبر مسئول عن الأذى اللي سببته ليك و لغيرك كمان. ليه محدش عايز يتحمل دوره في المسؤولية؟ ليه سهل نرمي علي بعض لكن صعب على الواحد انه يعترف بدوره في حدوث المشكلة؟ عارف ليه لأننا معندناش مشكلة نبقي كلنا سلبيين لكن أم يجي واحد ويحاول يبقى  إيجابي  نشيله الليلة كلها ونقوله مش انت عايز تبقي إيجابي اشرب بقي. كلامي ده مش ...

بسم الله الرحمن الرحيم هناك نوع من الشخصيات التي تسمى بشخصية المتفلسف ويوجد فرق كبير هنا ما بين الفيلسوف الحقيقي بما لديه من قيم وحقائق والذي يدعي بأنه فيلسوف ويتفلسف في كل شئ على طريقته الخاصة ووفق مزاجه الشخصي. من سأتحدث عنه الآن هو النوع الثاني، نظرا لانتشاره الكبير في الآونة الأخيرة حتى أصبح الأمر زائد عن حده. هناك أناس كثر يحبون التفلسف على الفاضي والمليان، بأن يقولون مصطلحات معقدة لا يفهمها أحد غيرهم ولا حتى هم شخصياً، فإذا حاول أحد أن يناقشهم في كلامهم يتهمونهم بامتلاكهم معلومات محدودة وقاصرة، ولا أحد يحب أن يظهر بتلك الصورة أمام الآخرين أي كان الوضع، فقد لا يرغب معظم الناس في الحصول على أعلى مراتب العلم لكن بالتأكيد لا أحد يحب الظهور بمظهر الجاهل حتى لو كان هكذا في الأصل.  ووصل الأمر لدرجة أن أغلب الناس تفضل الصمت عن التعرض للإحراج  واتهامهم بالسذاجة والجهل من قبل المتفلسفين أمام الباقين ، وإذا حاول أحد أن يسير في نفس طريق التفلسف ولو بالكذب حينئذ سيلعب المتفلسف الأصلي دور الخبير معه ويهزمه شر هزيمة والسبب ف...

بسم الله الرحمن الرحيم (متقولش لحد) دي جملة كفيلة بأنها تخلي الناس تسمع لك وتبقي مهتمة أنها تعرف اللي هتقوله رغم أن ده مخالف لقواعد الجملة نفسها، الناس بتحب الأسرار وكل ما كان السر كبير ويزعج الشخص اللي بيقوله كل ما كان ضروري تعرفه  الناس  لدرجة أن الواحد منهم يبقى  همه أن يعرف أسرار غيره أكثر من أنه يعرف أسرار أهل بيته اللي عايش معاهم وهو ميعرفش أي حاجة عنهم. بالرغم من ذلك إذا اتخذت قرار بأنك متتكلمش مع أي حد أبداً أي كان، فده برده مش حل، صحيح أن الفضفضة متبقاش فضفضة إلا أما تتكلم مع إنسان ترتاح له عن موضوع يخصك ويزعجك بقاله فترة، لكن ده مش اجبار بأنك تتكلم مع كل من هب ودب عن أدق أسرارك الشخصية بس عشان مش لاقي حد تكلمه. الموضوع فعلا محير ما بين خوفك من أنك تكشف تفاصيل حياتك للناس وبين أنك تقدر تفضفض وتعبر عن نفسك ومشاعرك بحرية و تحكي عن مشاكلك من دون ندم، بس في الحالتين لازم تأخذ قرار وتتحمل مسئوليته لغاية الآخر بس ضروري تحدد أنت حتعمل إيه وإلا القرار سيأخذ لك لأنك ضيعت وقت علي الفاضي وأنت اللي حت دفع التمن لوحدك. يمثل هذا العصر المو...

بسم الله الرحمن الرحيم أحس أني مكبرة المواضيع معرفش إذا كان احساسي صح ولا غلط، الفكرة أني بأخذ وقت طويل علشان أكتب موضوع بداية من اختيار الفكرة وبعدين أعرف أكتب عنه إيه بالضبط وأما الكلام مبيعجبنيش أرجع أعيد كتابته من تاني بعد ما أكون تركت الموضوع شوية وقت علشان اشوفه بشكل مختلف. أصل بالنسبالي الموضوع ده من أوله لآخره يبقي صعب، معرفش الوضع إيه بالنسبة للمدونين للآخرين، بس الحاجة الوحيدة اللي مصبراني علي كل ده حبي الشديد للكتابة، لدرجة أني (أحمد الله ) عز وجل أن أنعم علي نعمة الكتابة أحد أهم الوسائل الرئيسية في التعبير عن نفسي. الكتابة نعمة ميعرفهاش غير المحبين لها زيي، المغرمين بها من غير حدود، أنا عارفة أن كلامي ده ممكن يبقي مبالغ فيه بالنسبة لناس كثير بس اللي يحب الكتابة فعلا مش حيستغرب تصرفاتي، وهو ده السبب اللي يخليني ازعل أما أواجه مشكلة في عدم المقدرة على الكتابة. الكتابة مسئولية، أنت مسئول عن فكرك الذي تنشره بين الناس لازم تتأكد من كل كلمة تقولها، لأنك ممكن تلاقي اللي يقرأ لك و يقتنع بكلامك ويطبقه عمليا في حياته،  وضروري أني أفك...

بسم الله الرحمن الرحيم اعترف من البداية أني زي أي حد يكتب نفسي موضوعاتي يقرأها أكبر عدد من الناس وأني أبقي في قمة سعادتي أما ألاقي اهتمام منهم بما أكتبه وخصوصا أما يبقي عندك عدد من المتابعين مستني إيه الجديد اللي هتقدمه في المدونة، ده حقيقي واحد من أهم الأهداف للمدونين عموما. لكن اللي بيحصل ان الموضوع ساعات يقلب إلي هوس بزيادة عدد المتابعين لمدونتك بأنك تبقى قلقان من تأثير الكلام اللي تكتبه على الناس، ومن أجل الصدق لن أمدح نفسي وأقول أنني أستطعت إدراك ما يدور في عقول زوار المدونة، فأنا لازلت في البدايات حتي الآن. الفكرة هي أنني أسست لنفسي مبادئ أمشي عليها في المدونة  حتى إذا ما فتح "الله" (جلاجلاله) عليا وأصبح لدي عدد كبير من الزوار للمدونة ومتابعين موضوعاتي لا أتحول إلي شخصية تكتب حسب الطلب حتى إن كان ضد مبادئها. هذا النوع من الهوس يحدث عندما يشعر الإنسان بالفراغ في العالم الواقعي ويهرب إلى العالم الافتراضي ويبقي عايز ينجح فيه بأي تمن لأنه يفتكر أن طالما نجح بمعايير هذا العالم وأهمها نسب المشاهدة العالية ل...

بسم الله الرحمن الرحيم على الساحة دلوقتي بقت في أفلام كثير من نوعية الخيال أو الفانتازيا سميها زي ما تسميها، كنت فاكرة بما أن العالم أصبح يستخدم الطرق المباشرة بشكل كبير في التعاملات الإنسانية، أن الأفلام هي كمان هتبقي مباشرة زيه بس اللي حصل العكس تماما وهو أن كلما  يبقى  العالم أكثر مباشرة في طريقته كلما الأفلام اللي تعبر عنه تبقي غرقانه ل ش وشتها في الخيال. في الأول الموضوع كان غريب إزاي ده حصل؟ لكن بعد كده اتضح أن كل ما بقت الأوضاع أكثر مباشرة كل ما اذا فكرت أنك تقول جملة أو حتى كلمة تتفهم بكذا معني،  ممكن تتأخذ بسوء ظن ويتم اختيار معنى واحد بس لها في كل الأحوال وهو المعني السيئ وبالمقابل حتتحمل كون العالم مبقاش عنده إستعداد أنه يفهمك لكنه عنده كل الاستعداد عشان يحكم عليك. وهي دي نتيجة المباشرة الزيادة في التعامل، وصلتنا أننا نحكم على بعض بمنتهى السوء من غير ما ندي لغيرنا فرصة يشرح فيها نفسه، ووارد جدا نطلع غلطانين في نظرتنا إلي الآخر لكننا نفضل أننا نوصل للاستنتاج  الخاص بنا و نحكم   على  الآخرين بشكل...

بسم الله الرحمن الرحيم هذا الموضوع تكملة لموضوع سابق بنفس العنوان عن بعض الاعترافات التي تخص موضوع الكتابة أردت توضيحها كالتالي: إن في حاجات مقولتهاش لأني مقدرش أتحمل المسئولية عنها. مقدرش أقول كل الحقيقة لكن أقدر مكدبش في الجزء الذي أتكلم به. أن تدرك الحقيقة وتتصرف بعكس ذلك فالأمر كله مشكلتك أنت وحدك. لم أتمكن بعد من امتلاك أدوات الكتابة وما زلت في البدايات حتى الآن. مهما كنت كاتب كبير وليك قيمتك متقدرش تخلي الناس مهتمة أنها تقرأ لك. أن تختار الكتابة كمهنة لك فيها مغامرة ومخاطرة كبيرة جدا في نفس الوقت. إذا سبت نفسك عشان تتأكد ان اللي تكتبه رائع ومحصلش مش هتكتب حاجة أصلا. أشعر بأنه لازال تأثير الكتابة محدود مقارنة مع المواهب الأخرى كالتمثيل والغناء والرسم وغيرها. الصدق مع النفس يقول أنه لم يجبرني أحد على الكتابة بل أنا من اخترتها بإرادتي وعلى تحمل مسئولية ما أفعله. تستطيع بالكتابة أن تغير الكثير طالما تكتب من قلبك وعندك فكر وقتها حتقدر تعمل حاجات كثير من جمالها مش هتصدقها أنت شخصيا. ر...

بسم الله الرحمن الرحيم ليه كلمة أنا مش بتاع مشاكل تبقي لبعض الناس زي الراية الحمراء اللي يحطها المصارع قدام الثور في مصارعة الثيران، وكأنك تقولهم تعالوا اتخانقوا معايا، وأنك واحد ضعيف متعرفش تحمي نفسك علشان كده عايز أنهم يبعدوا عنك وبدون مشاكل، ومش عايزهم يعرفوا عنك أي حاجة لأنك مش جاهز أنك تتكلم عن حياتك، ومش واثق أن اللي ممكن تشاركهم به عن نفسك هيعجبهم أو مش هيخليهم ينقلبوا ضدك بعدها. اتربينا طول عمرنا أن المشاكل حاجة وحشة وتبقي عيبة كبيرة أن يتقال علينا ناس بتوع مشاكل، لكن أوقات خوفك من أنك تطلع عليك السمعة دي تخليك تتحول للعكس انسان جبان مكسور ضعيف الشخصية كل دوره أنه يتجنب المشاكل ويبعد عنها بالمشوار  حتى إذا كان التمن كرامته والتنازل عن حقه ونظرة الناس السيئة ليه. عارف أنت تعمل كده ليه علشان عايز الناس ترضى عنك حتى لو كان على حساب أنك تخسر نفسك، تدور على المكاسب اللى ح تاخدها من وراء أفعالك دي أكثر من الخسائر اللي بتحصل من وراء تجنبك لمشاعرك وأفكارك وكل اللي يعبر عنك، وده بيرجع لأنك خايف بشدة من شئ لسه محصلش و...

بسم الله الرحمن الرحيم زمان كنت فاكرة إن الإنسان اللي (ربنا) جلاجلاله أنعم عليه بنعم كثير زي نعمة الصحة، الأسرة، المال، العمل، لازم عشان يبقي ناجح تكون درجة النجاح بالتساوي ما بينهم، و إلا يعتبر فاشل فشل ذريع كمان. وبعدين فهمت ان مش معنى أن "الله" عز وجل أعطى الواحد مننا 24 قيراط أنه يبقى عنده كل شئ بالتساوي مفيش حاجة بالإسم ده فمهما كان يفضل الموضوع تقريبي. وبداية فكرة التساوي مش جديدة تتعلمها من وانت صغير، عشان يتفوق الطالب ويطلع الأول على الفصل كعلامة النجاح في دراسته أنه يجيب الدرجة النهائية في كل المواد سواء كنت بيحبها أو مبيحبهاش، شاطر فيها أو لا، أتعلمها وانتفع بها ولا محصلش، يعني معايير النجاح دي تنزرع في الصغر وأنت لازم تنفذها بحذافيرها وإلا تخسر بريق ولمعان النجاح. إذا قررت تبقي الأمور جوة عقلك بالتساوي تبقي بتعذب نفسك علي الفاضي لأنك تطلب المستحيل، أبسطها أنك متقدرش تعطي نفس الإهتمام لكل شئ في حياتك بالتساوي، لأنك وقتها حتكون مهتم بشئ بتحبه علي حساب شئ تاني مش مهم عندك للدرجة. التساوي شئ نسبي، مينفعش يبقي كامل، إذا كا...

بسم الله الرحمن الرحيم كلمة جدا من الكلمات القليلة اللي نستخدمها في الحياة لأنها تعبر عن انفعالاتنا الشديدة بشئ معين وده مبيحصلش في أغلب الأحوال، بس أوقات مبناخدش بالنا أن من شدة مشاعرنا بنغلط في تعبيرنا عنها بالكلمات أما بنضيف كلمة جداً أو أوي بالعامية زي:- أما تقول لشخص علي معروف قدمه لك أشكرك جدا، أشكرك بشدة، معناها رائع لكن لها جانب آخر اللي هو أنا مكنتش مصدق أنك تعمل علشاني كده، أنك تتصرف بلطف معايا بالشكل ده أو أنك تكون بالأخلاق العالية دي، مكنتش أتوقع أنك تكون كويس معايا لدرجة دي وده معناه أن في الغالب رؤيتك عنه كانت سيئة إن لم تكن سيئة للغاية. والعكس بالعكس أما تقول لشخص في موقف توقعت أنه يقف جانبك فيه أنه طلع انسان وحش جدا معناه أنك كنت فاكره ملاك بجناحين وحاطط عليه آمال عريضة وفجأة خذلك وخذل توقعاتك العالية وسبب لك خيبة أمل كبيرة وكل ده لأن نظرتك ليه من البداية كانت غير الحقيقة . كلمة جداً بقت تعبير عن عكس الصورة المتوقعة في عقولنا عن شخص ما، فإذا كان وحش وعمل شئ كويس هيبقى جيد جدا وإذا كان جيد وعمل شئ وحش يطلع الشرير وكل ده راجع إلي نظرتنا المفتعلة ليه يعني الغلط م...

بسم الله الرحمن الرحيم الكتابة تلك الموهبة المنسية التي ينساها الكثيرون، وكيف يفعلون وهي مرتبطة بقيمة القراءة في حياتنا وكيف لا يفعلون وهي مرتبطة بأساسيات محو أمية البشر، الكتابة ليست لغة حية أو ميتة لكنها ليست مثل باقي المواهب الملموسة كالتمثيل والغناء والرسم وغيرها. الكتابة بحاجة إلي تعمق، علي الأقل تحتاج إلى أناس تقرأ في ظل وجود نسبة أمية كثيرة تغزو العالم، لا تحدثني عن الكتاب والشعراء المعروفين، بل عن الأشخاص التي تكتظ بهم الساحة الأدبية، ولا أحد يعرفهم أو سمع عنهم وحتى الشباب يعف عن  القراءة لهم. ويظل هناك عدد كثير من الك ت اب الذين لم يعرف أحد بهم أو قرأ لهم شئ، بالرغم من كل ذلك يكتبون بحب وإخلاص وتفاني، فالكتابة هذه الموهبة المملة في أدائها والرائعة في التلون بها، التي تعبر عن الإنسان بكل حالاته عن طريق الكلمات التي انطبعت سهوا على الورق. و تظهر الصورة النمطية للكاتب كإنسان معقد ممل بل مجنون طوال الوقت، فمهما كان يهمل مظهره عندما يكتب فهو يشعر بعصبية وقلق لأنه يفكر كيف سيقرأ الآخرين كلماته، وقد يكون هذا الأمر صحيح. ف الكتابة مهمة يصع...

بسم الله الرحمن الرحيم قول رأيك، لأنه ممكن في موقف ما يطلع له لازمة وتبقي ساعتها تأكدت بنفسك أن رأيك له قيمة ويلاقي إحترام من الآخرين، وإذا مكنش يبقي علي الأقل تتعلم أن مش في كل الأوقات يبقى  رأينا صح لكن ده مش معناه أبدا أنه يخلينا نبطل نقول رأينا خالص لذا:-  قول رأيك إذا طلب منك حد أنه يسمع رأيك في موضوع مهم له. قول رأيك  أما يكون الهدف سماع رأي مختلف ورؤية الأمور من زاوية جديدة. قول رأيك أما تتأكد أنه حينفع بيه اللي قدامك. قول رأيك لأنك تتمتع بمناخ من الحرية تعبر عنه. قول رأيك أما تلاقي اللي مستعد بحب أنه يسمع لك. قول رأيك أما تكون خبير في المجال اللي تتكلم عنه. قول رأيك إذا كان بخصوص شخص مقرب ليك وإلا حتندم. قول رأيك لو على نفسك وبمنتهى الشجاعة والسخرية أيضاً. قول رأيك طالما أنك موجود في مجموعة تشاركون الرأي سوياً. قول رأيك لأنك إنسان وطبيعي أنه يكون ليك رأي ومن حقك أن تقوله بحرية.   وأفتخر أنك ليك رأي يعبر عن فكر حر لإنسان لسه دماغه شغاله في الطريق الصحيح.

بسم الله الرحمن الرحيم قد إيه يوجع أما تلاقى اللى قدامك يستغل موقف ما ويقلبه ضدك بسبب غيرة شخصية منك ويقولك أنه عمل ده عشان الأخلاق، وتلاقي اللي يستغلب لهذا المستغل ويحسسه انه هو اللي هيحل له كل مشاكله ويتذلل له يبقى له عذره ومش بعيد يمن المستغل علي المستغلب كمان وكل شوية يفكره بأفضاله عليه، ولا فضل لأحد على أحد إلا بالتقوى ولا فضل إلا فضل (الله) "عز وجل". لكن أما تحافظ علي كرامتك ومتطلعش أسرارك الشخصية لحد ومهما كنت تعاني يتم  في خصوصية من غير ما تدور علي استعطاف الناس بشكل مذل علشان تطلع منهم بمصلحة، وقتها أنت تبقى في نظرهم متكبر وشايف نفسك وناس كثير تبقى عايزة تكسر أنفك وتجيبها الأرض كمان مع ان ده ابسط حقوقك انك تحافظ علي آدميتك من أي سوء يمسك. تفتكر أيها المستغل أنه كده أحسن أما تبحث عن تقدير مريض رخيص آسفة في اللفظ، بأنه اللي يعظم في صفاتك بالكذب عشان مصلحته يبقى رجل محتاج ولازم نراعيه لكن اللي يمشيها بالأصول ده بقي نستخدم معاه سياسة عد الأنفاس، والبحث المستميت عن أبسط خطأ يفعله ويتحول إلي ذن...