متقولش لحد

بسم الله الرحمن الرحيم

(متقولش لحد) دي جملة كفيلة بأنها تخلي الناس تسمع لك وتبقي مهتمة أنها تعرف اللي هتقوله رغم أن ده مخالف لقواعد الجملة نفسها، الناس بتحب الأسرار وكل ما كان السر كبير ويزعج الشخص اللي بيقوله كل ما كان ضروري تعرفه الناس لدرجة أن الواحد منهم يبقى همه أن يعرف أسرار غيره أكثر من أنه يعرف أسرار أهل بيته اللي عايش معاهم وهو ميعرفش أي حاجة عنهم.

بالرغم من ذلك إذا اتخذت قرار بأنك متتكلمش مع أي حد أبداً أي كان، فده برده مش حل، صحيح أن الفضفضة متبقاش فضفضة إلا أما تتكلم مع إنسان ترتاح له عن موضوع يخصك ويزعجك بقاله فترة، لكن ده مش اجبار بأنك تتكلم مع كل من هب ودب عن أدق أسرارك الشخصية بس عشان مش لاقي حد تكلمه.

الموضوع فعلا محير ما بين خوفك من أنك تكشف تفاصيل حياتك للناس وبين أنك تقدر تفضفض وتعبر عن نفسك ومشاعرك بحرية و تحكي عن مشاكلك من دون ندم، بس في الحالتين لازم تأخذ قرار وتتحمل مسئوليته لغاية الآخر بس ضروري تحدد أنت حتعمل إيه وإلا القرار سيأخذ لك لأنك ضيعت وقت علي الفاضي وأنت اللي حتدفع التمن لوحدك.

يمثل هذا العصر الموت للخصوصية بين البشر خاصة بعد انتشار مواقع التواصل الاجتماعي تلك في العالم بأسره، و التي تجعل من امتلاك حياة خاصة للإنسان شئ صعب إن لم يكن مستحيل، لذلك قرر سريعا ماذا ستفعل حيال ذلك الأمر واتخذ قرارك بحكمة حياتك الشخصية هي أغلي ما لديك وأنت لست مضطر أن تقايضها مهما كان المقابل مع أي شخص.