بسم الله الرحمن الرحيم
أحس أني مكبرة المواضيع معرفش إذا كان احساسي صح ولا غلط، الفكرة أني بأخذ وقت طويل علشان أكتب موضوع بداية من اختيار الفكرة وبعدين أعرف أكتب عنه إيه بالضبط وأما الكلام مبيعجبنيش أرجع أعيد كتابته من تاني بعد ما أكون تركت الموضوع شوية وقت علشان اشوفه بشكل مختلف.
أصل بالنسبالي الموضوع ده من أوله لآخره يبقي صعب، معرفش الوضع إيه بالنسبة للمدونين للآخرين، بس الحاجة الوحيدة اللي مصبراني علي كل ده حبي الشديد للكتابة، لدرجة أني (أحمد الله ) عز وجل أن أنعم علي نعمة الكتابة أحد أهم الوسائل الرئيسية في التعبير عن نفسي.
الكتابة نعمة ميعرفهاش غير المحبين لها زيي، المغرمين بها من غير حدود، أنا عارفة أن كلامي ده ممكن يبقي مبالغ فيه بالنسبة لناس كثير بس اللي يحب الكتابة فعلا مش حيستغرب تصرفاتي، وهو ده السبب اللي يخليني ازعل أما أواجه مشكلة في عدم المقدرة على الكتابة.
الكتابة مسئولية، أنت مسئول عن فكرك الذي تنشره بين الناس لازم تتأكد من كل كلمة تقولها، لأنك ممكن تلاقي اللي يقرأ لك و يقتنع بكلامك ويطبقه عمليا في حياته، وضروري أني أفكر نفسي قبل ما أفكرك بلاش تنصح حد غيرك بحاجات أنت مبتعملهاش في الأساس لأن ده شئ خطير جدا.
الفكرة هي اني قررت أكتب بأمر (ربي) وعدم التوقف عن الكتابة نهائيا، فقد أخذ فترات استراحة من وقت لوقت لمراجعة النفس فيما قدمته وهذا ليس فقط لأني أحب الكتابة بل لأني أعلم من داخلي أن لدي شئ مهم أقوله وأصبح لي مكاني الخاص كي أطلقه إلى العالم بأكمله.
اختتم قولي بالآية القرآنية الكريمة، قال الله تعالى: ﴿يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ * كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ﴾ [سورة الصف: 2، 3].
الكتابة نعمة ميعرفهاش غير المحبين لها زيي، المغرمين بها من غير حدود، أنا عارفة أن كلامي ده ممكن يبقي مبالغ فيه بالنسبة لناس كثير بس اللي يحب الكتابة فعلا مش حيستغرب تصرفاتي، وهو ده السبب اللي يخليني ازعل أما أواجه مشكلة في عدم المقدرة على الكتابة.
الكتابة مسئولية، أنت مسئول عن فكرك الذي تنشره بين الناس لازم تتأكد من كل كلمة تقولها، لأنك ممكن تلاقي اللي يقرأ لك و يقتنع بكلامك ويطبقه عمليا في حياته، وضروري أني أفكر نفسي قبل ما أفكرك بلاش تنصح حد غيرك بحاجات أنت مبتعملهاش في الأساس لأن ده شئ خطير جدا.
الفكرة هي اني قررت أكتب بأمر (ربي) وعدم التوقف عن الكتابة نهائيا، فقد أخذ فترات استراحة من وقت لوقت لمراجعة النفس فيما قدمته وهذا ليس فقط لأني أحب الكتابة بل لأني أعلم من داخلي أن لدي شئ مهم أقوله وأصبح لي مكاني الخاص كي أطلقه إلى العالم بأكمله.
اختتم قولي بالآية القرآنية الكريمة، قال الله تعالى: ﴿يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ * كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ﴾ [سورة الصف: 2، 3].
تعليقات
إرسال تعليق
يسعدني أن تضع تعليقك هنا حتي أسمع صوتك بحق