بسم الله الرحمن الرحيم
فكرت مدة طويلة في كتابة حاجة عليها القيمة، وخلال الفترة دي كنت بأكتب حاجات في دفتري لكن مقدرتش أطلع أفكاري للنور، وبعدين فكرت اني بحب الكتابة يبقى إيه المانع أن ده يكون سبب كافي عشان أكتب (ألا يكفي أن تحب شئ كي تفعله) بس الأكيد أنه مش سبب كافي يخلي الناس تقرأ لك.
والحقيقة أني سألت نفسي إيه هدفي من الكتابة؟ و اللي أنا عايزة أعمله بالضبط لقيت كذا سبب مش وقته الكلام عنه دلوقت وإن كنت تكلمت فيه من قبل في تدوينات سابقة، بس الفكرة اني بأكتب سواء أردت أم لم أرد، مهما حاولت أمنع نفسي من الكتابة مبقدرش وكأنها تحولت عندي فعل لاإرادي، فمينفعش أقول أني مش حأكتب لأني إذا مكتبتش في المدونه اكتب في دفتري.
أنا معرفش السبب الحقيقي اللي خلاني أقول الكلام ده، بس الواضح أني أحس بضغوطات كثير عليا كل ما أجي أخرج كلماتي للنشر، أحس بمسؤولية كبيرة قبل ما أكتب لأن كلامي إما أن يُحسب لي أو علي، حبيت أوضح هنا احتياجي إلي التوازن ما بين أني أعبر عن نفسي بتلقائية وأني أتحمل تبعات قراري بشجاعة.
( يارب ) اهدنا إلى الطريق المستقيم وسدد خطانا دائما فنحن في حاجة دائمة إليك.
أنا معرفش السبب الحقيقي اللي خلاني أقول الكلام ده، بس الواضح أني أحس بضغوطات كثير عليا كل ما أجي أخرج كلماتي للنشر، أحس بمسؤولية كبيرة قبل ما أكتب لأن كلامي إما أن يُحسب لي أو علي، حبيت أوضح هنا احتياجي إلي التوازن ما بين أني أعبر عن نفسي بتلقائية وأني أتحمل تبعات قراري بشجاعة.
( يارب ) اهدنا إلى الطريق المستقيم وسدد خطانا دائما فنحن في حاجة دائمة إليك.
تعليقات
إرسال تعليق
يسعدني أن تضع تعليقك هنا حتي أسمع صوتك بحق