بسم الله الرحمن الرحيم
عارف يعني إيه يبقي في حجر علي لسانك، يكون جواك كلام كتير عايز تقوله ومش عارف ولا قادر تقوله، و من كثر توترك بتتكلم بسرعة وتقاطع اللي قدامك وغصب عنك بتظهر متلخبط بشكل واضح قدام عينيك، ورغم كده محدش يعرف عن المعركة اللي دايرة جواك، تقول النفس تكلم لكن اللسان عاجز مبيتكلمش، ما هو مش سهل تتكلم أما تكون خايف واحنا في عصر بقي فيه الناس عايزة تعمل أي حاجة علشان يبقوا أقوياء ولو بالكذب وكأن الضعف دايما إهانة و جُرم لا يغتفر.
وأكيد من أهم أسباب العجز ده الخوف من كلام الناس وانتقادهم ليك، أو من الفشل، أو من السخرية أنك تحرج نفسك بخروج الحماقة من فمك بعد ما تدفع نفسك أنك تتكلم بلسانك لأنك معتقد أن التعبير بالكلام هو الحل بالنسبة لك. وهي دي بقي المشكلة أن في تفكير ملأ عقولنا أنك عشان تبقي كويس لازم تعبر عن مشاعرك بالكلام، مع أن التعبير له أشكال كثيرة و في كل مطرح بنحب نتكلم عن الدراسة العلمية التي قام بها أحد علماء النفس والذي اكتشف أن 7% فقط من الاتصال بين البشر يكون بالكلمات و 38% بنبرة الصوت و 55% بلغة الجسد وكانت دي نقطة انطلاق قوية فيما يخص (لغة الجسد).
بس الحقيقة أن احنا مبنعملش كده، وده يا إما أننا مش فاهمين لغة الجسد أو مش مقتنعين بها أو بنستخدمها لمصلحتنا فقط، وأسوأ ما في الموضوع هو اللي بيحصل بعد التجربة السلبية للكلام أما تبص لنفسك بشكل وحش بأنك شخصية قلقة خوافة متوترة حيقولوا عنك إيه الناس وحيشوفوك ازاي؟ محدش بيبقبل بيك علي طبيعتك و أنك تعلمت من اللي حصل كونك مش حتتكلم تاني ولا تفتح فمك حتى، فأسوأ التجارب هي التجارب الأولى لأن تأثيرها بيبقي كبير سواء بالسلب أو الايجاب.
عارف الحل عايز اهتمام من الطرفين، بالنسبة للناس ضروري أنك تتفهم صمت الآخرين أحيانا لكن ده ميمنعش انك تشجعهم على الكلام إذا حسيت أنهم عايزين يتكلموا بس اللسان متحجر، أما بالنسبة لنفسك أسمع لنفسك ولو مش عايز تتكلم متخليش حد في الدنيا يقنعك أن عندك مشكلة محدش يعرف احتياجاتك أكثر منك وأما تحب تتكلم أرأف بنفسك وسامحها إذا غلطت أنت مش داخل مسابقة، كونك بتعبر وأنت مرتاح ده في حد ذاته مكسب كبير لك.
وأكيد من أهم أسباب العجز ده الخوف من كلام الناس وانتقادهم ليك، أو من الفشل، أو من السخرية أنك تحرج نفسك بخروج الحماقة من فمك بعد ما تدفع نفسك أنك تتكلم بلسانك لأنك معتقد أن التعبير بالكلام هو الحل بالنسبة لك. وهي دي بقي المشكلة أن في تفكير ملأ عقولنا أنك عشان تبقي كويس لازم تعبر عن مشاعرك بالكلام، مع أن التعبير له أشكال كثيرة و في كل مطرح بنحب نتكلم عن الدراسة العلمية التي قام بها أحد علماء النفس والذي اكتشف أن 7% فقط من الاتصال بين البشر يكون بالكلمات و 38% بنبرة الصوت و 55% بلغة الجسد وكانت دي نقطة انطلاق قوية فيما يخص (لغة الجسد).
بس الحقيقة أن احنا مبنعملش كده، وده يا إما أننا مش فاهمين لغة الجسد أو مش مقتنعين بها أو بنستخدمها لمصلحتنا فقط، وأسوأ ما في الموضوع هو اللي بيحصل بعد التجربة السلبية للكلام أما تبص لنفسك بشكل وحش بأنك شخصية قلقة خوافة متوترة حيقولوا عنك إيه الناس وحيشوفوك ازاي؟ محدش بيبقبل بيك علي طبيعتك و أنك تعلمت من اللي حصل كونك مش حتتكلم تاني ولا تفتح فمك حتى، فأسوأ التجارب هي التجارب الأولى لأن تأثيرها بيبقي كبير سواء بالسلب أو الايجاب.
عارف الحل عايز اهتمام من الطرفين، بالنسبة للناس ضروري أنك تتفهم صمت الآخرين أحيانا لكن ده ميمنعش انك تشجعهم على الكلام إذا حسيت أنهم عايزين يتكلموا بس اللسان متحجر، أما بالنسبة لنفسك أسمع لنفسك ولو مش عايز تتكلم متخليش حد في الدنيا يقنعك أن عندك مشكلة محدش يعرف احتياجاتك أكثر منك وأما تحب تتكلم أرأف بنفسك وسامحها إذا غلطت أنت مش داخل مسابقة، كونك بتعبر وأنت مرتاح ده في حد ذاته مكسب كبير لك.
تعليقات
إرسال تعليق
يسعدني أن تضع تعليقك هنا حتي أسمع صوتك بحق